Ibirori vy’akanyamuneza n’umuco vyateguwe mu kwibuka umunsi wa 8 Ntwarante, biri munsi y’ubuserukizi bw’Uburundi mu Bubiligi.
Alost (Ububiligi), 28/03/2026 (BdiAgnews) – Imbere ya 1929, umwaka Mukakaryenda yahindurwako idini ku nguvu, uwo Mugore w’Ingoma nyeranda Karyenda, yitwa Ruburisoni hanyuma agahindurwa ku nguvu Maria Ruburisoni, Uburundi bwari burongowe n’umugore ari kumwe na Mwami. Ingoma y’Uburundi yari dyarchie. Mu kwizihiza umunsi mpuzamakungu wahariwe umukenyezi, abakenyezi b’Abarundi baba mu Bubiligi, baserukira diaspora y’Abarundi, bateguye ibirori vy’akanyamuneza ku wa gatandatu 28 Ntwarante 2026 kuva isaha icumi z’umugoroba ku cumba c’amakoraniro ca Saint-Paul i Alost. Ico gikorwa, kiri munsi y’ubuserukizi bw’Ambasaderi w’Uburundi mu Bubiligi, Ntahiraja Thérence, akunzwe na benshi, kigamije guhimbaza uruhara n’intererano vy’abakenyezi mu mibano. Mu vyategekanijwe harimwo imyidagaduro y’umuco irimwo DJ Maestro na DJ Saido, hamwe n’ingoma z’Uburundi, mu kirere c’akanyamuneza kigenewe bose, harimwo ifunguro n’uburyo butandukanye bwo kwinjira. Ico gikorwa cerekana ubushake bwa diaspora y’Abarundi bwo gukomeza imigenderanire myiza mu mibano, mu muco no mu muryango w’Abarundi baba mu Bubiligi.
Inkomoko :
– Nahimana Karolero Pascal, Burundi : La diaspora burundaise – Du monde, de Belgique et d’ailleurs – Histoire, trajectoires et ancrage, Bruxelles, Génération Afrique, 2025.
🔗 https://nahimanakarolero.com
– Nahimana Karolero Pascal, Histoire du Burundi : Les grandes dates de l’histoire des Barundi et de l’État millénaire africain – Ingoma y’Uburundi, Éditions Génération Afrique, 2024.
🔗 https://nahimanakarolero.com
– Mbonyingingo Leona, L’Épouse du tambour, Montréal, 2025.
– Nahimana Karolero Pascal, Réfugiés du Burundi — Quand Ingoma s’est tu. Histoire géopolitique d’un peuple brisé par la colonialité, Bruxelles, Génération Afrique, 2025.
🔗 https://nahimanakarolero.com
Amasoko : Nahimana P. : burundi-agnews.org, Ku wa gatatu 25 Ntwarante 2026