Uwuserukira OMS mu Burundi ashoje amabanga yiwe inyuma y’imyaka itanu y’ubufatanye bwashimwe n’inzego z’igihugu.
Bujumbura (Uburundi), 30 Ntwarante 2026 (BdiAgnews) – Ku wa mbere 30 Ntwarante 2026, Umunyamabanga Ntayegayezwa ajejwe imigenderanire n’ayandi makungu muri Minisiteri y’Ububanyi n’Amahanga, Ukwinjira mu miryango y’akarere n’Ubufatanye mw’Iterambere, Nitunga Sophonie, yakiriye mu biro iwe uwaserukira Ishirahamwe Mpuzamakungu ryitaho Amagara y’Abantu (OMS) mu Burundi, Dr Xavier Crespin, yari aje kumusezera ahejeje ikiringo c’amabanga yiwe muri iki gihugu ; kuri uwo musi nyene, Umutambukanyi w’Umukuru w’Igihugu c’Uburundi, Nyenicubahiro Ndayubaha Angeline, na we nyene yamwakiriye ku Ngoro Ntare Rushatsi, aho Dr Crespin yashimiye cane ubufasha n’ugushigikirwa yama yararonse, cane cane biciye mu Muryango Fondation Bonne Action Umugiraneza hamwe n’Ibiro vy’Umutambukanyi w’Umukuru w’Igihugu bijejwe Iterambere (OPDD), ashima ubufatanye bwiza bwafashije guteza imbere amagara n’imibereho myiza y’Abarundi ; yarongeye kandi gushikiriza ubutumwa bwo gushimira buvuye ku Muyobozi wa OMS ku rwego rwa Afrika, ku bikorwa vyakozwe n’Umutambukanyi w’Umukuru w’Igihugu mu guteza imbere imibereho y’imiryango n’ibikorwa vy’amagara y’abantu, harimwo ibikorwa vyegereza ubuvuzi abanyagihugu ; mu gusubiza, Nyenicubahiro Umutambukanyi w’Umukuru w’Igihugu yaramushimiye ku bikorwa vyiza yakoreye igihugu, anamwipfuriza kuroranirwa mu mabanga mashasha azorangura, bikaba birangiye ikiringo c’imyaka itanu caranzwe n’ubufatanye bwiza mu gisata c’amagara y’abantu.
Amasoko : Nahimana P. : burundi-agnews.org, Ku wa mbere 30 Ntwarante 2026 | Ifoto : RTNB.BI, MAEIRCD