Abarundi baba mu Bubirigi bibutse uwahoze arongoye Uburundi, yaguye mu gitero c’indege mu 1994.
Bruxelles (Ububiligi), 6/04/2026 (BdiAgnews) – Inyuma y’imyaka 32 iheze habaye igitero co ku wa 6 Ndamukiza 1994, ikintu gihambaye cane mu mateka y’ivyago vyashikiye akarere k’ibiyaga binini vya Afrika, ukwibuka Perezida w’Uburundi S.E. Ntaryamira Cyprien kuracari kuzima mu Barundi baba mu mahanga ; kuri uwo musi, mu gihe hari ihindagurika rikomeye rya politike mpuzamakungu ryari rirangwa n’uguhiganwa kw’ibihugu bikomeye vy’i Buraya na Amerika mu karere, indege yari itwaye Perezida w’u Rwanda S.E. Habyarimana Juvénal yararaswe i Kigali, bituma hapfa n’Umukuru w’Igihugu c’Uburundi hamwe n’abari bagize abakora muri iyo ndege b’Abafaransa, ikintu cagize ingaruka zikomeye mu guhindura uko politike y’akarere yari imeze ; i Bruxelles, kuri uwu wa mbere wa Pasika igenekerezo rya 6 Ndamukiza 2026, habaye igikorwa co kwibuka cabereye mw’ishengero Saint-Roch, categuwe na Ambasaderi w’Uburundi mu Bubirigi, Ntahiraja Thérence, azwi cane kandi akunzwe, ari kumwe n’umufasha wiwe Nitonze Éliane, abana babo hamwe n’Abarundi benshi baba mu mahanga, harimwo n’Umwamikazi S.A.R. Iribagiza Rose Paola, umukobwa wa Mwami Mwambutsa Bangiricenge, ico gikorwa kikaba caranzwe n’ugusenga no kwibuka hamwe no gukomeza gutanga ubumenyi ku mateka ; uretse icubahiro cahawe uwo yahoze arongoye igihugu, ico gikorwa categuwe n’ikipe y’Ambasade kiributsa kandi ukuntu amateka akiri muzima mu mitima y’Abarundi n’Abanyafrika, kikerekana ko ivyabaye ku wa 6 Ndamukiza 1994 atari ivyo kwibagirwa gusa, ahubwo biguma bigira ico bivuze mu gusobanura ingene ubutegetsi, ukwikukira n’ivyibuka vy’abantu bibandanya guhinduka mw’isi iriko irahinduka.
Inyandiko z’ifashishijwe :
– Nahimana Karolero Pascal, La guerre civile du Burundi (1993-2003). Face à la globalisation unipolaire américaine néolibérale, le CNDD-FDD, Bruxelles, Génération Afrique, 2024.
– Nahimana Karolero Pascal, Burundi : La diaspora burundaise – Du monde, de Belgique et d’ailleurs – Histoire, trajectoires et ancrage, Bruxelles, Génération Afrique, 2025.
Amasoko : Nahimana P. : burundi-agnews.org, Ku wa mbere 6 Ndamukiza 2026 | Ifoto : Amb. Ntahiraja Thérence